Thursday, May 4, 2023

ZAIDAM TAKIN HMANGAIHNA LANTIR RAWH

 Malsawmna Dawng Nun Rahbi

By Rick Warren

— May 04, 2023

“Chhânna nêmin thinur a tikiang ṭhîn a, ṭawng huatthlala erawh chuan thinur a chawk tho ṭhîn.” [Thufingte 15:1]

Zaidamna chuan innghirnghona a tikiang ṭhin. Sawiseltu a tinem a. Mi a hneh a. Mi a hip a. Zaidamna chuan hmangaihna a tarchhuak. 

Nupui pasal nei tawh i nih chuan in nupa nun rang taka siamṭhat dan chu i kawppui nem taka biak a ni. Thilmak tam tak a ti ang! Nupa kawpchawi engzatin nge Thufingte 15: 1 hi an hlawkpui ang, “Chhânna nêmin thinur a tikiang ṭhîn a, ṭawng huatthlala erawh chuan thinur a chawk tho ṭhîn,” tih chu [Thufingte 15:1] Mimawl chu mahni hma a sial fova. A pawngpawrh fova. Mimawl chu a sual fo. Mahse chhanna nem chuan kawng dang daihin hna a thawk thung. 

Inneihna reng rengah vawi tam tak in rilru in intihnatsak ang – tichuan inneihna chu ngaidamtu pahnih inzawmna a ni. Kay-i nen hian kum 40 chuang kan innei ta a. Vawi tam tak ka tina tawh a, vawi tam tak ani pawhin min tina tawh bawk. Mahse inngaihdam tawnna lamah kan tiṭha ve ve. Chu chu zaidamna awmzia a ni. 

Zaidamna chu inneihna hlawhtling siamtu a ni mai lo, fate enkawlna kawnga hlawhtlinna pawh a ni tel. Nu emaw pa emaw i nih chuan, i fate chu thinrimna emaw insumtheih loh vang ngawtin hrem suh, i hrem chhan chu hmangaihna vang lo ni tlat rawh se. Bible chuan Ephesi 6: 4 ah hetiangin a sawi, “Tin, nangni pate u, in fate tithinur suh ula, Lalpa thununnaah leh zilhnaah chuan enkawl zâwk rawh u” tiin. 

Huaisen taka ka sawi ngam chu hei hi a ni, ka pa khan vawi khat mah min enkawlna kawngah khan a aw-ki a san miah lo. Keimah avang khan a lungngai ṭhin em? Teh reng mai. Ka tihthinrim chang a awm hrim hrim em? Vawi tam tak – nitin deuh thaw hial a ni! Mahse pa zaidam a ni. Amah inthunun thei turin chakna a nei a, min hrawk chiam chiam ngai lo. A zaidamna hmang khan a hmangaihna a lantir ṭhin a ni. 

I chhanna awmnem chuan mite nena in inlaichinnaah hna thawk ve rawh se. 

Nupui pasal i nei emaw nei lo emaw, fa i nei emaw nei lo emaw pawh ni se, chu chiah chu mite nena Inlaichinna zawng zawngah a lang chhuak. Hei hi hria ang che, “Chhânna nêmin thinur a tikiang ṭhîn a, ṭawng huatthlala erawh chuan thinur a chawk tho ṭhîn.” [Thufingte 15:1]

Ngaihtuah zui atan. 

Vawiin hian i nupui/pasal emaw mi tu emaw pawh inlaichinna i neihpui apiang dam takin biak tum ang che. Chu chuan engnge a tihdanglam? 

Engtin nge zaidamna chuan tute emaw nunah hmangaihna a lantir theih ang? Zaidam taka thu i sawi chuan, chu mi hnenah chuan engtiangin nge hna a thawh ang? 

Mi zaidam anga miten an hriat che chu a pawimawh em? Eng vangin nge? 

*Lettu:* Peka

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...