_Lalpa ṭhatna hnuaia nun dan_
- Rick Warren
- February 5, 2023
_"Ka novah hian a liam reng a. Matheilovin ṭhatna leh ngilneihnain ka dam chhûng zawng hian mi zui zel ang a."_ (Sam 23: 5-6)
I nun kha a luang liam em? Mi tam zawk ang i nih ve chuan i luang liam ve mai thei - mahse ṭhatna ni lovin. Mi tam tak chuan tihtur tam tak an intuk a, sum an hmang nasa a, ba tam tak an nei a, an rilru sûkthlek an thlak nasa a, an thawk nasa lutuk a, an buai lutuk a, mite tihlawm an tum mah mah bawk. A tawpah chuan an rilru a buai a, an chiai a, an hah em em mai a ni! Pathian ṭhatna tem an hlat hle.
Engvangin nge chin tawk awm lova kan inpawh fan ṭhin? Hloh hlauhna hian ti vak vak turin min fuih ṭhin a ni chawk. Mahse thudik tak chu Pathian ṭhatnaa i innghah chuan engmah i chân lovang.
Pathianin buai chûkna aṭanga chhuaka luang chhuak ve thung tawh turin a duh che. I mamawh zawng zawng pek che a duh - a ti thei bawk. A hmasa berah chuan Pathian malsawmna tam tak hnen hruai thleng thei tur emaw a lak ata hla taka dah thei tur che emaw hringnun thlir dan kawng pahnih: rilru zim leh rilru zau te hi i hriat a ngai.
*Rilru zim* i put chuan, "Hun ka nei tawk lo. Pawisa ka nei tawk lo. Chakna ka nei tawk lo. Mi hriat ka nei tlem, hun ṭha ka nei lo, hriatna ka nei lo, zir thiamna ka nei lo, neih ka nei lo a ni ber e" tiin i ngaihtuah ṭhin ang. Ni leh sum nei lo a inngaih rengna a ni. Rilru zim chuan i neih sa tlemte chauh a thlir a, a tawpah chiaina a thlen ṭhin.
*Rilru zau* chuan Pathian malsawmna hnâr chhiar sen loh lam a hawi a, chu chuan nun luangliam a hring ṭhin.
I bul lawka mi khan i boruak hip tur a ruksak che tiin i lungngai ngai em? Teuh lo. Pathianin mitin tana boruak hip tur tam tak a siam tih i hre tlat alawm.
Bible hian hnianghnar, tam tawk, tam tak, ṭhahnem tak tih ṭawngkamte hi Pathianin a pek che sawi nan a hmang ṭhin. Nang leh midang zawng mamawh phuhrukna tur aia tam Pathianin a nei.
Isuan, _"Kei zawng nun tak leh chatuan nun, nun tam leh nun ṭha zawk, an la suangtuah phak ngai loh pe turin ka lokal a ni"_ a ti (Johana 10:10, The Message).
Eng emaw tlakchham i hlau tur a ni lo, a chhan chu Pathian hi i nunna bul a ni. A ṭhatna, hlimna, malsawmna, beiseina leh muannaa i nun chhun khah a duh a ni. Tichuan, _"Ka novah hian a liam reng a. Matheilovin ṭhatna leh ngilneihnain ka dam chhûng zawng hian mi zui zel ang a."_ (Sam 23: 5-6) tiin i sawi thei ang.
Ngaihtuah zui atan.
Eng rilru puthmang leh thil thlur danin nge rilru zim a lantir?
Engtinnge rilru zauin i nunah muanna a thlen?
Engvangin Pathianin malsawmna chhiar sen loh min vur reng thlir lova midangten engzat nge an neihah kan rilru kan tihbuai fo ṭhin?
*Pathian malsawmna luangliam hi Isuaah a inṭan.*
Bible chuan Pathian Fapa Isua Krista rinna chauin vanrama i kai theih tur thu min hrilh. Vanram lut turin i thawk chhuak thei lo:El _"Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e."_ (Ephesi 2:8-9).
Isua hnena i nun pek tak tak i duh chuan hetiang hian han tawngtai teh:
"Lalpa, I fapa Isua Krista ka rin chuan ka sualte ngaihdam min tiam a, min siam chhan ka zir chiang ang a, tichuan, engtikah emaw chatuan hmun vanramah min la hruai ngei ang.
"Ka tisual a ni tih ka puang a, I ngaihdamna ka dil a ni. Lal Isua ka sualte silfai turin a thi a a tho leh a ni tih ka ring a. Vawiin aṭang hian Lal Isua chu min chhandamtuah pawmin zui ka duh a. Min hruaiin i duhzawng tih min zirtir ang che. Isua hmingin ka dil e. Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia,
[Lettu: Mapuia Fanai]
.png)
No comments:
Post a Comment