Friday, November 25, 2022

ENG VANGIN NGE I BEIDAWN?

 Nun duhawm zawk nei tura inbuatsaih dan

BY Rick Warren

November 25, 2022



“Ka lam hi lo hawi la, min khawngaih ang che, Khawharin ka chau a ni.” [Sam 25:16]


I thiltih laklawh lai eng emaw zatah chuan beidawng takin i kun ṭhin tih i ngaihtuah ngai em? Chu chu fate i enkawlnaah, nupa nunah, zirnaah leh i eizawnnaah a dik tih i hria ang. Mahse Pathian chuan intlansiakna kawng a buatsaihsak che chu hlen chhuak turin a duh che a – ṭha taka zo turin a duh bawk che.   


Israel fate saltanna aṭanga an let leh laia Pathianin Jerusalem sak ṭhat thu Nehemia thinlunga a dah lai khan, khawpui kulh kha an sa ṭha ṭan mawlh mawlh tawh a. Mahse, “Kulh bang siam ṭhat hna chu ngawrh takin kan thawk a, a zâtve dâwn laia sâng,” [Nehemia 4: 6] an zoh tawh chuan mipuite chu an beidawng ta tlat a.  


Nehemiah chanchinah khan mite an beidawn chhan kawng liin kan hmu. Vawiin hian chhan pakhat kan en ho ang. 


 *Beidawn chhan pakhat chu an chauh vang a ni* . Nehemia 4: 10 chuan hetiang hian a sawi, “Rit tak tak kan phur a, kan hah zo ta,” tiin. Eng pawh a siamṭhat hna chu a hahthlak ṭhin. An hmachhawp hmabak tir lamah khan an rim hle a, mahse a chau thuai a, an ngawng zo a ni ber. Tisa leh thlaraua hmelmate beihna lakah an him lo ta sauh mai. 


Nehemia hnathawktuten zirlai vawiina min chhawp chhuahsak chu hei hi a ni: A chang chuan in thiltih thlarau thei ang ber chu mut hmak a ni thei. Eng vangin? Beidawnna eng emawzatte chu taksa chauh vang a ni thei. Tha tak leh hahdam taka i mut hnu chuan boruak pawh a zang hawk ṭhin. Hahdamna tha tawk i dawn hnu chuan mahni inkhawngaihna te, thlemna  leh midang beihna lak aṭangin in him sawt zel. 


 *Beidawnna chhan pahnihna chu hnualna vang a ni* . Israel fate kha an beidawng a ni mai lo va, an hnual ngawih ngawih a ni: “Rit tak tak kan phur a, kan hah zo ta,

A chhe nawi paih tûr a tam êm a,

Bang pawh kan rem hman lo!” [Nehemia 4: 10]. An hna kha atira an ngaih ngawt aiin a lo harsa zawk tlat. An hmachhawpa in chim leh hnawkte chu an tihfai mai theih aia nasa zawk a ni. 


I nuna thil hnawkte chu eng nge ni? I inchhuih buai theih thil apiang kha an ni. A taka hnawk chauh an ni lo. Rilru lam, inlaichinna leh sum leh pai thua hnawk pawh a ni thei ang. Thutlukna dik lo siam avanga hnawk pawh a ni thei. 


Hnawk chungchanga thudik tak chu hei hi a ni, i damchhungin i kawl dawn. Khawvel kehchhiaa cheng i ni a, a pumpelh dan a awm tak tak lo. Mahse chu hnawk buaipui tak chu beidawnna titlem zawnga lo hmachhawn a ni.  


Chu chu engtin nge i tih theih ang? I nun aṭangin thianfai zung zung zel ang che. Sam 25: 16 thu hmang hian i ṭawngṭai thei ang: “Ka lam hi lo hawi la, min khawngaih ang che,

Khawharin ka chau a ni” tiin.


I hmachhawp duanah khan i beidawng em? Beidawng mai suh. Naktuk hian beidawnna hneh theih dan kawng hnih kan ngaihtuah leh dawn nia. 


Ngaihtuah zui atan. 


Hmachhawp eng emaw a lailaklawh taka tlawmsan mai i chak lai chu han sawi teh. Chu chu engtin nge i hneh theih? 


Chawlh an mamawh changin mite chu nangmahin khawngaihna i mamawh ang tiat chu i pe ve ṭhin em? Engtin nge? 


I nuna a hnawk lai chu engtin nge i lo tihfai ve tawh – beidawnna nangmah hnuk hniam a, hmasawn thei lova siamtu che chu? 


[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...