Chatuan Nihphungte
- Rick Warren
- September 26, 2022
Mi tam tak chuan vanram awm dan tur ngaihruat dan dik lo an nei fo. Angel i ni dawn lo. Thla i nei lovang. Serafim duhawm tak, kawrfual var haa chhum chunga khawsa ang kha i ni dawn lo.
Vanram thlir dan dik tak i neih a ṭul. Kolossa 3:1-ah chuan heti hian kan hmu, "Chutichuan, Krista hnenah kaihthawhin in awm ve tawh chuan chung lam, Pathian ding lama ṭhu Krista awmnaa thil awmte chu zawng rawh u."
Anih leh Bible chuan engtinnge van ram nihna chu a sawi le?
*Van ram chu Pathian chênna leh rorelna a ni.* Bible chuan vanram chu "Pathian chênna hmun, "Pathian in" tih leh "Pathian khawpui" tiin a sawi. Heng zawng zawng hian van ram chu Pathian chênna hmun a ni tih chiang takin a tarlang.
Mahse Isuan van ram chu "Pathian Lalram" emaw "Van lalram" (van ram) emaw tiin Bible-ah hian vawi 31 lai a sawi. Chuvang chuan van ram chu Pathiam chênna mai ni lovin, ro a relna hmun pawh a ni. Sam 123:1-ah chuan heti hian kan hmu, "Aw Lalpa, vanram, i chênna hmun leh ro i relna hmun chu ka rawn thlir e.(GNT).
*Van ram chu a taka awm ngei a ni.* Van ram hi rilrua duhthusam ram mai a ni lova. Tuna mita hmuh theih pawh a ni hek lo. Tin, i nihna tak tak thlarau anga a thlawh kual mai maina hmun a ni lo bawk. A taka awm ngei a ni. Bible chuan vanramah chuan kawtthler te, thing te, tuite leh inte a awm ang tiin min hrilh. Bible hmun ṭhenkhatah chuan ramsate pawh an awm tur thu a sawi. Chutah chuan Isua thawhlehna kaltlangin i taksa tihdanglamin a awm ang. I taksa chênna turin hmun a awm ngei ang: "Ka Pa inah awmna tam tak a awm a, a awm loh chuan ka hrilh tawh tur che u a ni; in tan hmun siamin ka kal dawn hi." (Johana 14:2, CEV)
Matthaia 6:20-ah chuan Isuan heti hian a sawi, "Vanah, sulrul leh tuiekin a ei chhiat lohnaah, rukruten an reh pawha an ruk hek lohnaah chuan, in tan rote khawl khawm zawk rawh u" tiin. A taka hmuh tur awm reng reng loah chuan ro a khawlkhawm theih miah lovang.
*Van ram chu i tan leh ka tan siam a ni.* Pathianin amah tan van ram a siam lo. A hnungzuitute tan a siam a ni. Bible chuan heti hian a sawi, "Ka pa voh bikte u, lo kal ula khawvel siam tantirh ata in tana ram buatsaih chu chang rawh u" (Mat. 25:34)
Pathianin lei chungchang a ngaihtuah khan van ram a ngaihtuah tel tlat. Bible-in Pathianin lei leh van (van thengreng) hi chatuana chenpui tur a duh avangin a siam a ni a ti. Van ram chu a chhungte nena an chen nan a ni a, van ram chu hmangaihna lantirna ropui tak a ni.
Mihringte hi leia dam hlen tura siam kan ni lova. Nang leh kei hi van ram tana siam kan ni! Hebrai 13:14-ah chuan heti hian kan hmu, "Hetah hian khaw hmun nghet kan nei si lo va, khaw lo la awm tur chu kan zawng zawk a ni." Pathian chhungte zinga mi i nih rual khan i nunah tihtur tam tak a awm nghal a ni. He khawvel hi i in a ni lo; khualzin mai i ni!
Van ram chanchinah chuan, "Mita hmuh ngai loh, benga hriat ngai loh, Mihring rilrua lut ngai lo, Patianin a hmangaihtute tan A buatsaih apiangte chu" (1 Kor. 2:9) tih kan hmu. Van ram i lo suangtuah dan chu engpawhnise i rin ais nasain van ram chu a ropui dawn a ni.
Ngaihtuah zui atan.
He thu i chhiar zawh aṭang khan engtinnge van ram i lo suangtuah dan a a tihdanglam?
Engtinnge he thu hian Pathian i lo ngaihtuah ṭhin dan a tihdanglam: "Pathianin ama pual bik atan van ram hi a siam lo. A fate tana a siam a ni. Pathianin lei a siam dawn khan van ram a ngaihtuah hmasa zet a ni."
Van ram nihphung kan sawi pathumte aṭang khian engnge mak i tih ber?
*Vanram i kai dawn tih chiang takin i hre thei!*
Mi tam tak chuan thihna leh roreln an hlau - mahse Isua thihna leh thawhlehna chuan chu hlauhna lak ata chu a thiar fihlim thei che a ni.
Bible chuan tupawh sualah kan tluk thu leh chu sual hremna chu thihna a ni tih min hrilh. Mahse Pathianin a hmangaih em che avangin a Fapa Isua chu Isua ai a rawn tir a, Pathian chhungte zinga i luh leh theih nan, leh rorelna hmaa chhan tur chein.
Pathian chhungte zawm tura i inpeih chuan heti hian ṭawngṭai rawh le: "Lalpa, ka thih hunim i hmaah ka chanchin ka sawi a ṭul dawn tih ka hria e. Ka lo haider ṭhin che tih ka puang a. I lakah thil sual ka ti ṭhin tih ka hria a, i duhdan ni lovin ka duhdanin ka nung ṭhin tih ka hria e. Tun aṭang hian danglam ka duh a, sual ata i lama lo pen ka duh e.
"Ka sualte avanga Isua i rawn tirh avanga rorelna hmaa ding lova chatuan nun ka neih theih tak avangin ka lawm e. I ngaihdam ka phu lo tih ka inhria. I khawngaihna chauhin min chhandam thei tih ka hria e Lalpa.
"Isu, min hmangaih em avanga ka sual zawng zawng i phurh avangin ka lawm e. Van ram tan pawmtlakah min siam a, min chhandam turin ka ngen a che. Ka sualte leh rorelna lak ata min chhandam turin ka ngen a che. Isu, ka ring a che. Tin, min chhandam dawn tih min tiam avangin ka lawm e. Isua hmingin, Amen."
Lal Isua hnenah i inhlan thar a, lal leh chhandamtu a i pawm a nih chuan khawngaihin Rick@PastorRick.com-ah hian min lo be dawn nia. Lal Isua nen nitin hun in hman theih nana puitu che atan thil tangkai tur lo thawn che ka duh a ni.
[Lettu: Mapuia Fanai]

No comments:
Post a Comment