Sum Enkawl Dan
By Rick Warren
— July 14, 2022
“Thil ṭha tih i ning suh ang u, kan inthlahdah loh zawngin a hun takah kan la seng ngei dâwn e.” [Galatia 6:9]
Phun ṭan hun chu tun hun ngei hi a ni.
“Eng emaw hi chu ka la ti ang …” titute hi ka lo tawng ve chamchi tawh ṭhin. An hna aṭanga an chawlh hunah hna/rawngbawlna tam zawk thawh emaw sum tam zawk pek emaw an tum a, a nih loh pawhin an kaisan hun atan – a eng emaw ber a ni thei.
Mahse, “engtik ni emaw” hi engtik ni mah a ni tak tak lo. Hun ṭha zawk lo chhuah hun i nghak tak tak thei lo, tunah ngei hian i inruahman a ngai. Eng vangin? I phun hma poh leh, i nunin a rah chhuah i seng hun chhung chu a tam mai dawn a ni.
Mahse, a seng hun chu i duh hunah a ni ziah kher lovang. A tuh hun leh seng hun inkarah chuan a tlai chang a awm fo. Hun bi pakhat chhungin i tuh a, hunbi dang daihah i seng ṭhin.
Beidawng mai lova, dawhthei taka i nghah a ngai fo.
Chu chu Pathian rama thil inrelbâwl dân kawng khat chu a ni. Marka 4: 26-28-ah chuan hetiang hian Isuan a sawi, "Pathian ram chu miin a lovah chi a theh a, zânah a mutsan a, chhûnah a tho va, chi chu engtia lo ṭiak a, lo ṭhang nge tih a hre lo ang hi a ni. Lei chuan amahin rah a rawn chhuahtîr mai ṭhin, a tîr berah a kûng, a dawtah a vûi, chumi zawhah a vûia a fang pum chu,” tiin.
A rahchhuak chu a lo lang ngei dawn a, mahse, muangchangin thil dang nen a lo lang ang. Hun eng emaw chen a duh a, dawhthei taka i chet a ngai: "Thil ṭha tih i ning suh ang u, kan inthlahdah loh zawngin a hun takah kan la seng ngei dâwn e". [Galatia 6:9]
Kum liam taa i thlai ṭawih chhiate kha theihnghilh tum rawh. Chutianga ti lo chuan, i nunin khuarei daih hlawkna a têl tur chu thlir ang che. Sum chungchanga harsatna i neih chu zan khat thilthuah i chingfel mai thei lovang. Inchingfel turin a kum tél vel i mamawh chang a awm ang, thil engkim chingfel tur chuan kum eng emaw chen a duh a ni. A phun hun chhung leh a seng hun chhungah chuan hun eng emaw zat a tlak a ngai.
Bible chuan Sam 126: 5-6 ah hetiang hian a sawi:
"Mittui tla chunga tuhtute chuan, Hlim takin an seng a, Ṭap chungin buh chi feh chhuahpui mah sela, An buhphalte kengin hlim takin an lo haw leh ang," tiin.
Eng thil i chan avangin nge i indawm kun reng? I hna i chân a ni mai thei. I hriselna a awngrawp pawh a ni thei. I hmangaih tak i chân a ni thei bawk. I sum khawl sa i hloh a ni thei. I hna chawlh hun atana i sum khawl chu a hun dawn ṭepah a chingpen hlauh thei. I beiseina chu a lo thâmral vek a ni thei.
Indawmkun satliah chu a pawi lo, mahse sûn chiam erawh a ṭul lo. Hnual rawih kher lovin hmalam pan ṭhin ang che!
Vawiin hi thlai chi thlak ni ngei chu a ni e.
Ngaihtuah zui atan.
Chhuan tharte hnenah sum chungchang thurâwn pe dawn ta ang la, eng nge i sawi ang? I sum enkawl dana i lo tihsual tawhah chuan eng nge i zir chhuah ang a, i sum kawl lai mekah chuan eng nge i hman ang?
Eng ang thil tihsual leh sum chungchanga hlawhchhamna nge kalsan ngai i neih? I sum enkawl dan thuhlaah hmalam pan turin vawiin hian eng nge tih ngai ni-a i hriat?
I nunah khan eng nge neih tam i duh? Engtin nge chutiang chi chu vawiin hian i tuh ang a, nakinah a rah i la seng leh theih ang?
I nun khan Pathian i ring tawh em?
*I nun khan Isua a lo ring ve tawh em?*
Bible chuan Isua Pathian Fapa kaltlang chauhin vanram i kai thei dawn a ni tih a sawi a. I vanram kalkawng chu i thawk chhuak thei lo: "Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni. Thil ṭha tih avângin a ni lo, chuti ni se miin an chhuang dah ang e" tiin a sawi. [Ephesi 2: 8-9]
I sualte thupha chawi tur leh i nuna Isua ring tura i inpeih tawh chuan he ṭawngṭaina thu hmang hian ṭawngṭai ang che: “Lalpa duhtak, i thutiama ka hmuh dan chuan Isua ka rin phawt chuan ka thilsual tih zawng zawngte ngaihdam a ni ang, ka damchhan ka zir tawh ang a, i chatuan inah chuan engtik niah emaw chuan min lo la lawm ang.
"Ka sualte avangin thupha ka chawi a, Isua hnenah amah chu ka Chhandamtu leh Lal atan ka intulut e. Isu, zui che ka duh a, i rawngbawl turin ka inpe e. Tlawm takin ka nunna hi i kutah ka hlan a, i chhungte zinga min lo lawm turin ka ngen a che. I hming ka dil e. Amen".
He ṭawngṭaina hi i hlan thei a nih chuan, he mail ah hian Rick@PastorRick.com min lo bia ang che. Isua nena inzin kawng atana thuziak pawimawh tak tak lo thawn che ka duh a ni.
[ *Lettu* : Peka]

No comments:
Post a Comment