Thursday, July 28, 2022

IN CHHUNGKUAA I ZIR TUR THIL PANGA*

 Inlaichinna tha

By Rick Warren

— July 28, 2022 



“Isua chu a lo ṭhang lian telh telh a, a fing deuh deuh va, Pathian khawngaihna leh mite duhsakna a dawng zêl a.” [Luka 2:52] 

Chhungkaw ropui chuan mi a ṭhanlentir ṭhin. 

Engtin? Dam chhung daih zirna boruak an siam. Intihsawt tawnna lam an buaipui a. Mi thlarau thilpek leh theihna a ṭhang lian turin an  fuih bawk. Mite chu thil thar zir zel turin an fuih a, an theihnate chu thuam chak turin an pen ṭhin. 

Mahse ṭhang lian tur chuan i thisen zawmpui chauh i mamawh kher lo. In kohhran chhungkua chu i mimal nun ṭhanna kawngah a hnar kaitu an ni tur a ni. 

Thil thenkhat mite nena lungrual taka in ti ho lo a nih chuan i zir chhuah ngai miah lo tur thil tam tak a awm. Zirna inah chungte chu i zir chhuak thei lo ang. I hnathawhnaah pawh i thiam lo vang. Mite nen chauh chung thilte chu a zir thiam theih a ni. 

Midang i Mamawh

Dik tak chuan, i buaina tam berte chu i tetlai aṭanga thil dik chiah lova i lo zir bel tawh vang a ni. In chhungkuaah ngei heng thil pangate hi i zir chhuah a ngai – thisen inzawmpui an ni emaw thil dang pawh a ni thei: 

*1. Mahni chakna thunun i zir.* Chhungkua inlaichinna hrisel awmnaah chuan mahni inhriat dan, neitu anga awm dan leh mahni chakna thunun dan in zir ṭhin. Chhungkaw ropui chuan mitin rinawm taka awm turin an beisei ang a, naupangte pawh an ngaihdan an sawi ve an phalsak ang. 

2. *Buaina hmachhawn dan i zir*: Naupang hmuhah chuan nu leh pate chuan buaina ṭha taka an chinfel theihzia an lantir a ṭul hle. 

3. *Mahni thilneih chân i zir.* I fate chu hnehtu an nih reng i beisei kher lo vang. A nih loh chuan, khawvel tak tak an hmachhawn huna thil chân [lost] an thiam loh chuan chhiatrupna a thleng thei. Hlawhchhamna satliah chuan, anmahni a tichhe kher lova, thil eng emaw hloh chu an nun atan chhiat vekna a ni lo tih an zir a ngai. 

4. *Thil pawimawh ber ngaihhlut i zir.* 

Kan fate chu, mihring nuna thlemna lar zual pathum an hriat a, khawvel nawmna leh chakna do thiam zawnga kan kal a ngai. Chung thlemnate chu nuam I tih zawngte an ni ber a – ṭawngkam danga kan sawi dawn chuan mipat hmeichhiatna, hlawh leh dinhmun te chu. 

5. *Nungchang mawi i zir.* 

Thil tih ṭhin chuan nungchang a siam a. Chhungkua chu mitin Krista anna kawnga an thanlen theih nan an infuih ṭhin. 

Vawiinah, chu thil siamthat hna chu bung tan la. I chhungte – thisen zawm emaw, fa lak emaw thlarau vang emaw a nih chuan tute tan pawh hmun  a la awm e. 

Ngaihtuah zui atan. 

Engtin nge in chhungkuaah chuan zirna boruak ṭha tak in siam? 

Tun lai khawvelah hian eng vangin nge, ṭhalaite chuan harsatna lian zawk hmachhawn chu harsa an tih em em?  

Eng thil nge i tan chuan hlu ber? Bible-ah chuan eng ang thil ngaihhlutna nge kan fate zirtir turin min hrilh?  

[Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...