Thenkhat mei ata lachhuak thuai ula, chhandam rawh u; thenkhat an tisa bawlhhlawh kaina silhfen lam pawh chu tenin, hlau chungin khawngaih rawh u. Juda 23.
Thenkhat mei ata
chhanchhuah ngaite chu hnukchhuak thuai rawh u; thenkhat chu hlau chungin
khawngaih ula, an tisa bawlhhlawh kai silhfente chu ten rawh u (Juda 23, Lehlin
thar)
Thuhmahruai
Juda lehkhathawn hi
Thuthlung Thar buah chuan a tawi ber pawl a ni a, bunga then tham pawh ni
lovin, chang 25 chauh a awm a ni. Juda lehkhathawntu hi Juda, Isua Krista bawih
leh Jakoba unau niin a insawi (v. 1). He lehkhathawn hi, Pa Pathiana hmangaih,
Isua Krista tana khek, kohvate hnenah, ringtua inchhal si, zirtirna dik lo
zirtirtute laka fimkhur tura infuihna a ni. Petera lehkha Pahnihna nen a inang
hle. Pathianin a mite hnena rinna thu tum khat a hlan fel tawh chu \ha taka
vawng tur leh tan tlat turin a ngen a ni.
Juda
lehkhathawn thuken tlangpui
Juda hian zilhna leh
fuihna thu a thawn deuh bera, zirtirna diklo laka fimkhurna leh fuihna thu a
sawi uar ber a ni. Juda lehkhawn tlangpui chu a khaikhawmna a\ang hian ilo
thlir ang.
1. Thuhmahruai
(v.1-2)
2. A ruka lut rute
chungchang (vv. 3-16)
i) Lehkha ziak ngaih
chhan (vv. 3-4)
ii) Mi suaksualte
chunga Pathian rorelna (vv.5-7)
iii) Lut rute
suahsualna (vv. 8-16)
3. Ringtute fuihna
thu (vv. 17-23)
i) Hrilhlawkna
hriatreng tur (vv. 17-19)
ii) Anmahni laka
mawhphurhna (vv. 20-21)
iii) Unau kalsualte
chunga mawhphurhna (vv. 22-23)
4. Thu kharna (vv.
24-25)
Mei
ata lachhuak thuai ula
Kan sawi tum ber chu
chang 23-na, “Thenkhat mei ata lachhuak thuai ula, chhandam rawh u; thenkhat an
tisa bawlhhlawh kaina silhfen lam pawh chu tenin, hlau chungin khawngaih rawh
u” tih hi a ni a. Lehlin tharah hian fiah deuh maiin kan hmu a, “Thenkhat mei
ata chhanchhuah ngaite chu hnukchhuak thuai rawh u; thenkhat chu hlau chungin
khawngaih ula, an tisa bawlhhlawh kai silhfente chu ten rawh u” Chang 23-nain a
kawh tum ber chu ringtu zirtirna diklo avanga kalsualte fuihna thu a ni a,
chutiang ang dinhmuna ding ringtu nisi zirtirna diklovin a tihbuaite an awm
chuan kan khawngaihtur a ni tih chang 22 ah khan a sawi a. Chang 23-naah hian Juda
chuan mi thenkhat dinhmun chu a derthawng em em maia, meia tang mek chhanchhuah
ngai nghal ang an ni a ti. Meia tang mekte chu chhanchhuah an nih loh chuan
boral nghal mai tur an ni, Chuvangin, “Thenkhat mei ata chhanchhuah ngaite chu
hnukchhuak thuai rawh u” a ti a ni. Thenkhatte erawh chu an sualna tenawm takte
a ni a, chungte chu kai ve theih a nih tih hriain, misual chu khawngaihna nena
enkawl turin min fuih a ni.
Mei ata lakchhuah
ngaite chu tute nge kan tih chuan, Juda lehkhathawnah hi chuan, zirtirna diklo
avanga buaite, kalsualte anni a. Tunlai hunah pawh zirtirna diklo avanga buai,
maksak deuh deuha khawsa leh awmdan phung pangngai lo anga Pathian biakna
kalpui tum an awm a ni. Engvangin nge mei ata chu kan hnuhchhuah ang, engvangin
nge kan mawhphurhna chu kan hlen ang? Pathianin thil tha ti tura min siam
avangin hna tha hi kan thawk zel tur a ni. Chhanchhuah ngai an awm chuan, an
tan kan pen chhuak ang. Kan bei anga, Krista zarah hnehna kan chang zel ang.
Tunlaiin thalaite zingah talbuai tamtak an awm, anmahni chhanchhuak turin an thalaipuite ngei hi kan penchhuah angai a ni; eizawnnaah a ni emaw rinna
kawngah a ni emaw zirtirna himlo chungchangah pawh a ni maithei e. Anmahni
chhanchhuaktur in kan inpeka, kan inbuatsaih angai thung a ni. Ringtu chaklo
chuan, rinnaa chaklo ve tho chu engtin nge a khaichhuaha, a tanpui theih teh
lul ang. Rinnaa kan unau chaklo zawkte dawm kanga, chhanchhuaka, tanpui turin
keini ho hi Pathianin min kova, min ruata, min thlang a nih hi. Chuvang chuan
kan in tihchak lehzual pawh angaia. An tana penchhuak ve turin lo in pe rawh
le.
Tlangkawmna
Juda lehkhawn in a bi
tum ber chu zirtirna diklo leh himlo buaipuitute an ni a. Chung zirtirna diklo
avanga buai mekte chu chhanchhuaka, chhandam turin a kohhranhote, a ringtupuite
hian mawhphurhna hmanhmawhthlak tak kan neih thu chiang takin a sawi a ni.
Keini thalaite hian kan mawhphurhna chu kan chiang ta kuar awm e, meia tang
mekte chu an dinhmun a hlauhthawnawm takzet a ni. Boral mai loh chu hmabak an
nei lo, anmahni ang chu mi tam tak an awm ang. Meia tang mekte chhanchhuaka
chhandam turin Lalpan min kova, min ruata, min thlang mek a ni. Chu hna tha
thawk tur chuan kan tha i ti chak sauh sauh ang u.

No comments:
Post a Comment